滬語悅讀：尋回心裡搿把扇子

上海老底子每天呈送精彩文章一組

開啟塵封的記憶，尋覓往昔的歲月

敘上海老底子事 憶上海老底子人

訴上海老底子情

尋回

心裡搿把扇子

滬語改編：侯寶良

朗讀：鬱琴妹

詞語註釋：楊張悅、張林龍

熱天熱煞眼巧（剛好，恰巧，正好碰上）碰著空調末壞脫，我只好尋出一把扇子來搧搧風涼，涼風習習想起我有一年曾經發表辣《新民晚報》夜光杯浪《夏天裡的扇子》一文，竟會撥動仔交關朋友個心思，引來邪氣多個深情回憶。實在引人深思啊！

福建個張女士講改革開放後，伊拉屋裡是最早下海個一批經商戶，艱苦個創業就是屬於鄧伯伯描繪個讓一部分人先富起來”搿種家庭。造起了漂亮個小洋房，花幾萬塊洋鈿（yhandhi〈名〉錢）裝進了埃個辰光（‘eghekshenguang那個時候）邪氣稀少個空調裝置，大熱天裡涼爽個適意真覅起講伊，冷天裡暖洋洋讓儂忘記脫室外個天寒地凍。辰光長仔也勿覺著了。寫意（xiayi舒服，稱心，愉快）個生活倒讓夫妻倆常莊為經營枝節脫仔家庭瑣事鬧起矛盾，有時火了，氣了，搿感情波折就是空調也起勿著啥作用。有一年夏天介碰著電路搶修停電了，空調開心了：介許多（’gaxudu這麼多）日腳（nikjik日子）我也衰瘏（‘sadhu勞累；吃力；疲憊。衰滬語讀沙撒、灑、潵、灑、卅、沙、傻、啥、篩、曬、耍。瘏滬語讀杜、肚、度、渡、鍍、墮、舵、惰）煞，是好讓我忙裡偷閒歇歇唻。乃末苦煞有心臟病個張女士，悶熱得伊像熱鍋浪個螞蟻煩躁勿安，正辣百般無奈辰光，老公勿曉得阿里尋來一把蒲扇辣辣伊背後扇啊扇，陣陣涼風搧進了伊個心裡，搧出伊個綿綿情絲，讓伊想起仔創業初期夫妻倆辣海日頭下欱（hak〈動〉大喝。欱又寫作“呷”。欱讀：嚇、瞎）口冷水，相互揩揩對方額角頭浪個大汗，休息辰光拿仔草帽搧出個風也是搿般個清涼，迭般個溫馨。勿知勿覺伊已經淚流滿面，夫妻倆又像當初互相搧啊搧，想想乃朝後（neshaohhou今後）個美好個日腳，自然修好了感情個缺失。人啊，啥叫守望相助，只有患難見真情啊！

年輕個陸醫生講，看了《夏天裡的扇子》我情勿自禁幸福個回憶起小辰光汏好浴，身浪撲辣眼痱（滬語讀備、背、倍、陪、培、裴、佩）子粉，安然個睏辣阿奶個扇子下涼風習習聽著歡喜個故事脫仔輕鬆個兒歌，慢慢叫進入了夢鄉。半夜裡只要熱了翻身，又是阿奶迷迷糊糊脫我搧風，伊種唰唰有韻律個蒲扇聲撥我至今難忘。而後首來有了電風扇脫仔空調，搿眼嗡嗡個響聲倒記勿起有啥美妙個往事。噶咾陸醫生看到眼前老年病人，自然會想起自家和藹可親個阿奶，自覺激發起尊敬老人個情感。有年我辣病房裡看伊查房過程中碰著一位脾氣古怪個阿婆勿願意配合護士打針，就是護士長來也對伊嘸沒辦法。陸醫生就耐心跟阿婆聊天，貼身傾聽伊個囉蘇（’lusu〈形〉囉唆、囉嗦），等伊心情慢慢平復了，再好言開導阿婆，讓阿婆欣然接受了治療。當我跟伊回憶搿段往事，伊還記得阿婆年紀跟自家阿奶相仿，老早仔（laozaozy①〈名〉從前。②〈副〉很早）阿奶也搿能介哄我呀？伊講，我看見搿眼老人，阿奶個形象老自然個會得浮現辣我眼門前，現在伊拉老了，挨著（‘ashak〈動〉輪到）我哄伊拉了。細細想，要是從醫者儕像陸醫生搿能用心交換，還有啥過勿去個醫患矛盾啊？

前年我老婆大病一場，我孤身陪伊住院手術搿段落魄個日腳，望著昏睡個老婆讓我是吃勿落、睏勿著個苦惱，碰著來探望伊個小姐妹辰光，勿忘給撥我帶來一碗蛋炒飯，頓時辣我心底裡就像撥一把扇子搧起了無盡個感激之情：搿生我嘗過無數個美味佳餚（yhao滬語同音字效、校、姚、謠、、搖），迭辰光我感覺啥儕比勿上搿碗普通炒飯個珍貴。人要懂得感恩，啥叫雪中送炭、啥叫情義無價，只要自覺去尋回心裡搿把扇子，勿就煞辣勢清（saklaksy ’qin①一清二。②十分清潔）嘛？

2020年8月28日

圖片來自網路

鳴謝：侯寶良先生賜稿分享！

原標題：《【滬語悅讀】尋回心裡搿把扇子（滬語改編：侯寶良 朗讀：鬱琴妹 詞語註釋：楊張悅、張林龍）》